vikingur

Sveinungsvík Þistilfirði Ábúendur: Árni Gunnarsson Á lista RML 2019.yfir bú með fleiri en 100 skýrslufærðar ær og með 29.kg.eða  meira eftir ána Sveinungsvíkurbændur eru þáttakendur í: Bændur græða landið. Gæðastýrðri sauðfjárrækt. Árni tók við búi af foreldrum sínum árið 2013. Hrútur frá Árna fékk viðurkenninguna  "Besti ærfaðirinn" fyrir árið 2015. Sjá umfjöllun hér  í bændablaðinu bls. 16. Sveinungur nam land í Sveinungsvík. Bærinn stendur á vesturbakka Sveinungsvíkurár, ásamt útihúsum, örstutt fá sjónum. Takmarkað lágt og flatt land er inn af víkinni. Næst sjónum er sendið og þurrt valllendi. Allhátt land er í sjó fram beggja megin víkurinnar, að vestan Súlur en að austan Landsendi. Stutt…

Hvammur 3 Þistilfirði Ábúendur: Ólafur Aðalsteinn Sigurðsson. Ólafur er þáttakakandi í : Gæðastýrðri sauðfjárrækt. Ólafur hóf búskap 2015. Áður fyrr voru bæjarhús í Hvammi á hólbungu örstutt frá ánni, nokkru sunnar en nú. Þar reistu afkomendur Aðalsteins Jónassonar og Jóhönnu Sigfúsdóttur, sem bjuggu langa búskapartíð í Hvammi, þeim minnisvarða árið 1980. Sunnan við þetta gamla bæjarstæði rennur bæjarlækurinn í alldjúpum farvegi. Sunnan við lækinn eru nokkuð háir malarkambar; tekur þá við víðáttumikið svæði langleiðina á móti Tunguseli, sem kallast Kambar, flatt valllendi, hrísmóar og hálfdeigjur. Þar var talin góð svarðartekja fyrr á árum. Vestur af bænum eru hallandi mýrar, móholt hér og hvar og fjær ásahryggir. Landamerki liggja að Gunnarsstaðalandi…

Hóli og Höfði við Raufarhöfn. Ábúendur: Nanna Steina Höskuldsdóttir og Steinþór Friðriksson. Bændur á Hóli og Höfða eru þáttakendur í: Gæðastýrðri sauðfjárrækt. Nanna og Steinþór hófu búskap árið 2015 en foreldrar Nönnu bjuggu á jörðinni. Höfði er 1⁄3 hinnar fornu Hólsjarðar, sá partur er fékk nafnið Hóll II við jarðaskiptin 1922. Hjónin Árni Pálsson og Friðný E. Þórarinsdóttir, sem búið höfðu á Hóli II frá 1927, reistu sér nýtt íbúðarhús 1950 og nefndu bæ sinn Höfða. Það nafn fengu þau einnig lögfest á jörðinni. Beitar- og ræktunarland Hólsjarða er óskipt, en reka og öðrum hlunnindum er skipt eftir stærð. Árið 1964 kaupir Þorsteinn Steingrímsson, f. 8. mars…

Brúarland 2  Þistilfirði. Ábúendur: Ólína Ingibjörg Jóhannesdóttir og Benedikt Líndal Jóhannsson. Bændur á Brúarlandi eru þáttakendur í: Gæðastýrðri sauðfjárrækt. Núverandi bændur hófu búskap 2012. Árið 1945 byggðu Jónas Aðalsteinsson frá Hvammi og k.h. Anna G. Jóhannesdóttir frá Gunnarsstöðum nýbýlið Brúarland í Gunnarsstaðalandi og fengu 7⁄24 hluta af landi og hlunnindum allrar jarðarinnar. Bæjar- og útihús standa á melbrún, örstutt frá þjóðvegi vestan Hafralónsár, nærri brúnni. Suður og niður af bænum er slétt valllendisnes við ána, nefnt Eyja; var áður engi, nú grasgefið tún. Lækur rennur eftir dálitlu dragi eða dalverpi sunnan við bæinn í ána norðan við Eyjuna; heitir þar Merkidalur. Sunnan við lækinn heitir Búðarhöfði vestan við…

Hallgilsstaðir 2 Langanesi. Ábúendur: Brynja Reynisdóttir og Jóhannes Ingi Árnason. Á lista yfir úrvalsbú á landsvísu samkvæmt RML. framleiðsluárið 2015 og 2017. Bændur á Hallgilsstöðum 2 eru þáttakendur í: Bændur græða landið. Gæðastýrðri sauðfjárrækt. Brynja og Ingi hófu búskap á Hallgilsstöðum árið 2015. Bær á Hallgilsstöðum II stendur litlu vestar á nesinu en Hallgilsstaðir I. Tún eru innar af túni á Hallgilsstöðum I og norðan þjóðvegar í Dómsneshólma. Stöðugt gengur á gömlu bæjartúnin því Hafralónsá brýtur úr hinum háa árbakka sunnan íbúðarhúss og á nú tæpa hundrað metra eftir í húsvegg. Úthagi er óskiptur á milli jarðarparta. Í gömlu skjali er frá því skýrt að 1741…

Reistarnes Melrakkasléttu. Ábúendur: Kristinn Steinarsson og Ágústa Ágústsdóttir. Bændur á Reistarnesi eru þáttakendur í: Gæðastýrðri sauðfjárrækt. Það var á árunum 1954 til 1955 að Steinar Kristinsson hóf að reisa nýbýli á 1⁄5 parti úr Nýhöfn ásamt konu sinni, Jóhönnu Kristinsson, sem var þýsk og kom hingað til lands upp úr stríðinu ásamt fleiri konum þýskum. Þá dettur Steinari það snjallræði í hug að nefna þetta býli sitt eftir landnámsmanni þeim er nam Leirhafnarland og Reistur hét. Ekki var nú og er vitað um önnur örnefni honum tengd nema núpinn fríða, sem menn segja að hafi verið nefndur Reistarnúpur eða Reistargnúpur en heitir nú Snartarstaðanúpur. Steinar og Jóhanna bjuggu…

Svalbarð  Þistilfirði Ábúendur: Einar Þorláksson og Aldís Gunnarsdóttir. Á lista yfir úrvalsbú á landsvísu samkvæmt RML.framleiðsuárið 2019. Á lista RML 2019.yfir bú með fleiri en 100 skýrslufærðar ær og með 29.kg.eða  meira eftir ána Bændur á Svalbarði eru þáttakendur í: Bændur græða landið. Gæðastýrðri sauðfjárrækt. Einar or Aldís hafa búið á Svalbarði frá árinu 2001. Bærinn Svalbarð stendur austan Svalbarðsár um það bil 2 km frá sjó. Áin bugðast um valllendisnes framhjá bænum. Kirkja hefur verið á Svalbarði frá því á 13. öld svo vitað sé. Kirkjan stendur austanvert við bæjarhlaðið, byggð úr timbri árið 1848. Svalbarð var presstsetur fram til 1928 og þingstaður hreppsins.…

Ærlækur Öxarfirði. Ábúendur: Sveinn Aðalsteinsson og Sif Jóhannesdóttir. Þau  eru þáttakendur í: Bændur græða landið. Uppgræðslu á vegum Landabótasjóðs. Skógræktarverkefni Gæðastýrðri sauðfjárrækt. Ábúendur á Ærlæk hafa búið þar síðan 2017. Ærlækur stendur austan þjóðvegar sem næst miðri sveit. Land jarðarinnar, sem ekki er stórt en ákaflega vel gróið, er umgirt ám og lækjum og heitir Hólmur. Allt þetta svæði er mishæðalítið mólendi með nokkru skógarkjarri. Hraun hefur runnið um landið fyrr á öldum og sjást víða klettadrangar sem gróður hefur ekki náð að festa rætur á. Einn þessara hraundranga heitir Goðasteinn og ætla má að hann hafi fengið nafn sitt á landnámsöld enda er Ærlækur landnámsjörð.…

Garður Þistilfirði Ábúendur: Soffía Björgvinsdóttir og Jónas Pétur Bóasson. Á lista RML 2019.yfir bú með fleiri en 100 skýrslufærðar ær og með 29.kg.eða  meira eftir ána Á lista yfir úrvalsbú á landsvísu samkvæmt RML. framleiðsluárið 2015 og 2017. Bændur í Garði eru þáttakendur í: Bændur græða landið. Skógræktarverkefni. Gæðastýrðri sauðfjárrækt. Núverandi ábúendur hafa búið í Garði síðan 1997. Skammt vestan við Svalbarðsárbrú liggur vegur að Garði og áleiðis að Hagalandi. Bæjarhús og útihús eru á sléttum mel stutt frá Tunguá. Um 300 m suðvestan við bæinn liggur allhár melhryggur frá norðri til suðurs. Örstutt sunnan við suðurenda hans á lágri hólbungu syðst í túninu, voru bæjarhús…